Shir wadatashi iyo qiimayn ku saabsan abaaraha ayaa saaka ka dhacay wasaarada qorshaynta

Wasaaradda Qorshaynta iyo Xiriirka Caalamiga ah ee Dawladda Puntland ayaa maanta qabatay shir lagaga tashanayo sidii loo qiimaynlahaa waxyeeladii abaartii kadhacday Puntland loona samaynlahaa qorshaha kakabashada abaartii kadhacday Puntland.

Wasiir kuxigeenka Wasaaradda Mudane Siciid Faarax ayaa faahfaahin kabixiyay shirka iyo muhiimadiisa soona dhaweeyay dadkii kasoo qaybgalay.

Madaxa xafiiska iskuxirka Qaramada Midoobay Howard Bell ayaa sheegay in ay beesha caalamka kago’antahay sidii ay Puntland uga caawinlahaayeen qorshaha kakabashada abaartii kadhacday Soomaaliya.

Wasiirka Wasaaradda Shire Xaaji Faarax ayaa ushukri naqay Alaah nasiiyay roob fiican abaarti kadib. Dabadeed waxuu Wasiirku beesha caalamaka iyo Soomalidii kaqaybqaadatay abaartii Kadhacday Soomaaliya kubogaadiyay taageeradoodii waxuuna kacodsaday inay kaqaybqaataan Qorshaha kakabashada abaaraha.

Waxaa shirka kasoo qaybgalay madaxda iyo khubarada wasaarada, madaxda hay’adaha UNka, NGOyada iyo ururo kale.