Shirka Iswaafajinta Qorshayaasha Dowladda ee heer Dagmo, Heer Wasaaradeed iyo heer Dowlad Dhexe

Waxaa maanta oo ay taariikhdu tahay 10ka Bisha May, 2017 kafurmay hoolka New Rays ee magaalada Garoowe shir ay soo qabanqaabisay Wasaaradda Qorshaynta iyo Iskaashiga Caalmiga ah kaas oo lagusoo bandhigayay loogana wadatashayay habraaca iswaafajinta Qorshayaasha heer degmo, heer Wasaaradeed iyo heer Dawladd dhexe.

Degmooyinka Puntland waxay leeyihiin Qorshayaal, Wasaaradduhu waxay leeyihiin Qorshayaal halka Dawladda dhexena kaleedahay Qorshe Guud. Shirkan ayaa hadafkiisu ahaa kadoodida iyo ansixinta habraacaa iswaafajinta qorshayaashaas kala duwan.

Waxaa shirka kasoo qaybgalay Dhamaan Wasaaraddaha/hay’adaha Puntland, qaar kamid ah degmooyinka iyo Madax kasocota barnaamijka JPLG.

Waxaa shirka Furay Wasiirka Arrimaha Gudaha Axmed Cilmi Cusmaan iyo Wasiir kuxigeenka Wasaaradda Qorshaynta Mudane Siciid Faarax Maxamuud waxuuna socondoona 2 maalmood Insha Alaah.